روتين كامل للعنايه بالجسم

ازيكم يا قمرات انهاردا جبتلكم روتين كامل للعنايه بالجسم  

هيخلي جسمك ناعم جدا خالي من العيوب زي بشره الأطفال بس اهم حاجه المواظبه وكمان تعملي الي هنقوله ده بالترتيب 

اولا هنبدا بازاله شعر الجسم في ناس بتشيل شعر جسمها بالطرق التقليديه زي السويت وفي ناس بتفضل برون وناس بتعمل بالشفره المخصصه للبنات لكل طريقه طبعا مميزات وعيوب بالنسبه للسويت فهي بتخلي الجسم مترهل وكمان مش بتشيل كل الشعر اما برون فانتي لو بشرتك حساسه هتتعبي جدا لأنها بتوجع جدا علشان بتكون عباره عن ملاقيط بس بتشيل الشعر من الجذور ة

انا عن نفسي بفضل الشفره أسهل وأسرع وكمان ده استخدام المشاهير هي مشكلتها انك بتحتاجي تعملي كل أسبوع تقريبا لان الشعر بيطلع بسرعه جدا بس سهله وسريعه جدا وحلوه لو استخدمتيها صح

دلوقتي لو هنزيل الشعر ببرون او سويت هنعمل ده قبل الشور لكن لو هنستخدم الشفره هيبقا أثناء الشور وهقولكم دلوقتي ازاي

هناخد الشور بتعنا عادي جدا علشان احنا عايزين جسمنا رطب علشان باقي الخطوات 

بعد ما هنغسل جسمنا ونشطفه كويس هنعمل تقشير للبشره باي نوع اسكراب تستخدميه لو معندكيش تبعونا في موضوع خاص بالاسكرابات وازاي تعملي اسكراب في البيت بأرخص سعر

هنعمل دلوقتي الاسكراب بحركات دائريه بلطف وبعد ما هنخلص هنغسل جسمنا من الاسكراب وهنبدا نزيل الشعر بالشفره زي ما قولتلكوا 

هنستخدم الشفره على جسم مبلول ويفضل لو المايه شغاله عليكي في الخطوه دي وهنزيل في نفس اتجاه الشعر مش العكس بعد ما خلصنا هنغسل جسمنا وهنشفه كويس جدا  

الخطوه دي بالنسبالي اهم خطوه ومش كل الناس تعرفها بس حلوه جدا بتشيل الجلد الميت وكمان بتعالج جلد الوزه الي اغلبنا بيشكي منه وبتخلي الجسم ناعم جدا زي بشرة المشاهير 😍

 دلوقتي بعد ما نشفنا جسمنا كويس هنجيب الفرشه دي المفروض الفرشه دي للشور بس احنا هنستخدمها على الناشف هتفركي بيها جسمك كله وهو ناشف لفوق وتحت بلطف علشان منلتهبش هتلاحظي ان الجلد الميت بيطير قدامك هتعملي بيها جسمك كله وبعد ما نخلص ممكن نشطف جسمنا شطفه اخيره وخلاص 

اخر خطوه بقا هندهن اي مرطب لجسمنا كله ممكن كريم أو زيت خفيف ممكن زيت جاجوبا او جونسون حلوين جدا  

الخطوات دي بتتعمل مره في الأسبوع ممكن تاخدي شوو عادي يوميا بس نخلي الخطوات دي يوم مخصص في الأسبوع افضل مع المواظبه بشرتك هتبقا بالمنظر ده 

بس وبكده نكون خلصنا يارب تكونوا استفدتوا 

وافضلوا حلوين على طول 😍❤️