فوائد القهوة المذهلة للبشرة

ازيكوا يا بنات 

جيبالكم انهارده بقا خلطات كتير للقهوه

كتير مننا ميعرفش ان القهوه ممكن تكون مفيده لبشرتنا

وحتى الي عارف انها مفيده ميعرفش ايه هي فوايدها 

خلينا نقول ايه فوايدها الأول وبعدين ننزل الوصفات 

❤️

اولا : القهوه بتساعد على شد البشره جدا ومش بشرة الوجه بس لا دي كمان بتشد ترهلات الجسم وبتساعد على إخفاء علامات السيلوليت 

ثانيا : بتعالج التهابات البشرة وبتساعد على التقليل من احمرار البشره وتهيجها

ثالثا : بتساعد كمان علي اخفاء الهالات السوده وعلاج انتفاخ تحت العين 

رابعا : تقوم أيضا بإزالة الجلد الميت وتقشير البشره واصلاحها 

خامسا : بتعالج حروق الشمس وكمان بتفتح البشره جدا وبتزيل الرؤوس السوداء 

ودلوقتي يلا نبدأ في الوصفات بتاعتنا 

اول وصفه لتفتيح البشرة وازاله التصبغات 

كل الي هنحتاجه

٣ م كبيره قهوة مطحونه

١م كبيره عسل 

١ م كبيره زيت جوز الهند

هنخلط المكونات كلها سوا ونكون غسلين وشنا كويس جدا

وبعدين هنبدأ ناخد من الخليط ونفرده على البشره ونسيبه لمده ١٠ دقايق وبعد كده نغسل وشنا هنكرر الخليط ده مره او مرتين اسبوعيا

تاني وصفه يا بنات لعلاج تمددات الجلد والسيلوليت
كل الي هنحتاجه 

١ م كبيره قهوه مطحونه
١ م كبيره جيل الصبار
مقدار من المايه للعجن
هنخلط جيل الصبار والقهوه كويس جدا بعدين هنزود المايه تدريجيا ونقلب لحد ما نحصل على خليط كثيف
نضع الخليط على أماكن التمددات ونسيبه لمده ٢٠ دقيقه
بعد كده هنمسحه بفوطه مبلوله ونحط اي كريم مرطب عندنا هنكرر الماسك ده يوميا لحد ما العلامات تروح

تالت ماسك يا بنات لعلاج حروق الشمس
هنحتاج 

م كبيره قهوه مطحونه
م كبيره كاكاو
مايه ورد او لبن
هنخلط المكونات كلها سوا لحد ما نحصل على خليط متجانس وهنفرده على وشنا من ١٥ ل ٢٠ دقيقه
هنكرر الماسك ده مرتين في الأسبوع

اخر وصفه يا بنات لتقشير الجسم كله وازاله الجلد الميت 

هنحتاج 

م كبيره قهوه 

٢ م كبيره سكر 

م كبيره زيت زيتون 

عصير لمونه 

هنخلط المكونات كلها سوا لحد ما نحصل على خليط كثيف حوبيبي وهنفكر جسمنا كله بيه في حركات دائريه لمده ١٠ دقايق وبعدين هنشطف جسمنا كويس جدا ونرطبه 

وبكده نكون خلصنا وصفات انهاردا تبعونا لوصفات اكتر